Бастауыш ұйым тарихы — кеше, бүгін
Қазақстан Республикасының Президенті Қ.К. Тоқаев Қазақстан Кәсіподақтар федерациясының XXVI съезінің делегаттарына жолдаған үндеуінде атап өткендей, «кәсіподақтар – бұл құқықтарды қорғау, лайықты өмір мен адам еңбегі үшін жағдайларды қамтамасыз ету бойынша прогрессивті миссияны орындайтын қазіргі заманғы әлемнің ең маңызды қоғамдық институттарының бірі… Бүгінгі таңда кәсіподақтар – Қазақстандағы азаматтық қоғамның басты элементтерінің бірі».
Әбілқас Сағынов атындағы Қарағанды техникалық университеті (ҚарТУ) ұжымының табысты жұмысы Басқармамен тығыз әлеуметтік серіктестікте жұмыс істейтін және Қарағанды облысының Білім және ғылым қызметкерлерінің кәсіподақтары арасындағы ең көп қоғамдық бірлестіктердің бірі болып табылатын оқытушылар мен қызметкерлердің кәсіподақ ұйымының жемісті және белсенді қызметінсіз мүмкін емес.
ҚарТУ кәсіподақ ұйымы ЖОО негізі салынған күннен бастап құрылды. Әр жылдары оқытушылар мен қызметкерлердің кәсіподақ комитетінің төрағалары: И.А. Труфанов, И.И. Попов, А.М. Леонов, З.А. Молдағалиев, Е.И. Богатырев, Ю.Д. Обухов, А.И. Салтовская, Б.Ж. Хамимолда, М.Ж. Тұрсынов, М.К. Ибатов, С.С. Сатаров, Г.М. Мұқышева, И.Д. Арыстан, М.О. Иманов, Н.М. Әубәкіров болды. Қазіргі уақытта кәсіподақ комитетінің Төрағасы Н.А. Алпысбаева болып табылады. Кәсіподақ ұйымының жанында профессор Ю.Д. Обуховтың төрағалық етуімен ардагерлер кеңесі жұмыс істейді.
Бүгінде кәсіподақ комитеті «Оқу-ағарту, ғылым және жоғары білім қызметкерлерінің Қазақстандық салалық кәсіптік одағының Қарағанды облыстық ұйымы «Әбілқас Сағынов атындағы ҚарТУ» КЕ АҚ оқытушылары мен қызметкерлерінің бастауыш кәсіподақ ұйымы» филиалы мәртебесінде жұмыс істейді.
Кәсіподақ комитеті университеттің тұрақты және орнықты жұмысын қамтамасыз ету, жалақыны арттыру, материалдық-техникалық базаны нығайту, заңнамада регламенттелмеген төлемдер мен өтемақыларды ұсыну, кадрлық әлеуеттің сапалық деңгейін арттыру, еңбекті қорғау және қызметкерлердің денсаулығын жақсарту бойынша ұстанымдар, өзара міндеттемелер көзделген ұжымдық шартты өзектендіру және түзету бойынша жұмыс жүргізеді.
Кәсіподақ комитеті мәдени — бұқаралық, спорттық-сауықтыру, әлеуметтік-құқықтық, еңбекті қорғау жұмыстарын ұйымдастырады.
Жыл сайын кәсіподақ комитеті «Үздік факультет», «Үздік кафедра», «Үздік құрылымдық бөлімше», «Үздік педагог», «Үздік жас ғалым», «Үздік куратор», «Үздік студент», «Жатақханадағы үздік бөлме» атағына конкурстарды өткізуге қатысады.
Ұлы Жеңіс күні қарсаңында ҰОС ардагерлері мен тыл еңбеккерлеріне, қарттар күніне орай университет ардагерлеріне құрмет көрсету дәстүрлі түрде өткізіледі. Қала театрларының шығармашылық ұжымдарын, симфониялық және эстрадалық оркестрлерді шақыру ұйымдастырылады.
Университет оқытушылары мен қызметкерлерінің балалары назардан тыс қалмайды, оларға Жаңа жылдық сыйлықтар, жаңа жылдық ертеңгіліктерге, балаларды қорғау күніне арналған театрландырылған қойылымдарға билеттер беріледі.
Оқытушыларды, қызметкерлерді және студенттерді тегін емдеуді қамтамасыз ету үшін 2005 жылдан бастап университеттің емдеу пункті жұмыс істейді, ол емшара кабинетімен, изолятормен, заманауи медициналық жабдықтар кешенімен физиотерапия кабинетімен жабдықталған. Медициналық көмекті терапевтер, невропатологтар, лор — дәрігерлер көрсетеді. Денсаулық сақтау пунктінің қызметкерлері салауатты өмір салтын насихаттау және түрлі аурулардың алдын алу бойынша үлкен санитарлық-ағарту жұмыстарын жүргізеді.
Кәсіподақ комитетінің жұмысында оқытушылар мен қызметкерлердің жазғы демалысын ұйымдастыру ерекше орын алады. 50 жылдан астам уақыт бойы университет жүйесінде Қарқаралы ауданының көркем мүйістерінің бірінде орналасқан «Политехник» спорттық — сауықтыру лагері жұмыс істейді, оның базасында жыл сайын оқытушылар мен қызметкерлер отбасыларымен демалады, студенттік активтің көшпелі мектептері өткізіледі. Облыстық білім және ғылым қызметкерлері кәсіподағының бастамасымен аз қамтылған отбасылардың балалары үшін жазғы сауықтыру лагерлері ұйымдастырылуда.
Университеттің кәсіподақ комитетінің әрбір отырысында мерейтойлық күндерге орай оқытушылар мен қызметкерлерді көтермелеу, дәрілік препараттарды сатып алуды өтеу үшін материалдық көмек көрсету, жақын туыстары қайтыс болған жағдайда, қызметкердің өзі қайтыс болған жағдайда, ерекше жағдайларда материалдық көмек көрсету мәселелеріне көп көңіл бөлінеді.
Мемлекет басшысы Қ.К. Тоқаев съезд делегаттарына арнаған сөзінде: «кәсіподақ қызметінің нысандары мен әдістерін ұдайы жетілдіру, бүкіл әлемде болып жатқан өзгерістерді ескере отырып, іс-қимылдың икемді стратегиясын әзірлеу талап етіледі», — деп атап өтті.
